عادل مساعد البلوي | |
كدب التـاريـخ
كدب التاريخ .. غلط الحساب
والحق بالكدب إتخلط
زمن الدهب .. ساوى التراب
والعلم إتساوى بزلط
الضميــر إلحـقــوه
فى المـزاد بيبيعـوه
عاش ومات .. فى زمن غلط
إللى يسود .. هى الأسود
لمـا المشـاعر تنتحـر
الحب شئ .. مالوش وجود
مع إللى زمنه عليه قدر
الضميــر إلحـقــوه
فى المـزاد بيبيعـوه
عاش ومات .. فى زمن غلط
إللى يعيش .. فى الكون يشوف
زمن الميزان فيه إتقلب
الحـق عـايـش .. ويـا خــوف
الكل فيه تحت الطلب
الضميــر إلحـقــوه
فى المـزاد بيبيعـوه
عاش ومات .. فى زمن غلط
Sunflower إحساسى
إحساسى إن إنتى ضعتى
و ضـــــــاع قلبــــى معاكى
مـا بقولش إن إنتى بعتــى
لكــــــن بعــــدت خطـاكـى
برضاكى غصب عنــــــــــك
قســــــوة أو ضعف منـــــك
إحساسى إن إنتى ضعتى
و ضـــــــاع قلبــــى معاكى
قلبــــــــى شايفك صحيــح
لكــــــن بيـن مـــوج و ريــح
مجروح قلبــــــــى و مدارى
إنـه فـى حبـــــــــك جريــح
بيخطــــى فــوق جروحــــه
و يقـوللى إن إنتـى روحـــه
ها يحــــبك رغــم بعـــــدك
لـو حتـى مــات طــــــريـــح
برضاكى غصب عنــــــــــك
قســــــوة أو ضعف منـــــك
إحساسى إن إنتى ضعتى
و ضـــــــاع قلبــــى معاكى
ها تكونــــــى عند ظنــــى
لـو حتى إســـيتى حنـــى
و إزاى قلبـــــــــك يطاوعك
تبـيـعيـنـى و إنتـــى منــى
فى شـــــــئ جـد عليكى
غيــر حبــى فـى إيديكــى
أســــــــــاكى عليـا وإنتـى
ياحبـيـبـتـى بعدتـى عنــى
برضاكـى غصب عنـــــــــك
قســــــوة أو ضعف منـــــك
إحساسى إن إنتى ضعتى
و ضـــــــاع قلبــــى معاكى
Sunflower
ليه خدعنى
تاهت عيونـــى دابت مشـــاعرى
صدقت ظنونـى خاننــى وباعنــى
لقيت كلامــــى تـاه من لســانى
بكيت عشــانى طب ليه خدعنى
غلطان ياقلبــى صــدقتــه ليــــــه
ســلمته حبــى جـرحنـى ليــــــه
ده ماكان حبيب وعــــد و نصـــيب
أتـارى الخـــداع كــان طـــبع فيــه
حيـران ياقلبــى وإنت الحـزيــــــن
مسكين ياحبى ضـــــاع الحنيـــن
ده ماكنش ليـك ولا كـان شــاريك
إعتبره ضـــــــاع ويـا الســــــــنين
تاهت عيونـــى دابت مشـــاعرى
صدقت ظنونـى خـاننـى وباعنــى
لقيت كلامــــى تـاه من لســانى
بكيت عشــانى طب ليه خدعنى
Sunflower
أفكارى
مهما بفكـر أبعــــــد وأعنــــد
ويهـــــــــــــــون حبى عليـا
يصرخ تانى الشــــوق جوايـا
لسه فاضــــــــل لى بقيــة
وأبــــدأ أحـن إليــــــــــــــك
وأشـــــــغل بالى عليــــــك
وأجرى وأســــــــــلم ليـــــك
قلبـــــــــى كمـان بإيديـــــا
مهمابفكـر يوم أنســــــــــاك
أرجـع تانى لحضن هـــــواك
وكإنى أما بشــوفك بأنسى
قلبى وروحى وعمرى معاك
وأبـــــــدأ أحن إليـــــــــــك
وأشــــــــغل بالى عليـــــك
وأجرى و أســـــــلم ليـــــك
قلبــــــــــى كمان بإيديـــــا
Sunflower المزاد
لملم بقى يالصدق
لاتضل الطريق
وأنشر فى ضل الشمس
كلمة تبل ريق
إن الزمان لازم هيرجع
يوم زمان
وإن الأمل لازم هيرجع
فى الميعاد
جوه المــزاد
وأهو كل يوم
منصوب مزاد نتلاقى فيه
بنبيع ضميرنا
للى يقـدر يشتريه
حرية مربوطة
بمصير ورقة بجنيه
أرضك وأهلك والشرف
حتى الولاد
جـوه المزاد
حقانى يا باطل
قصـــــــاد البنكنوت
والحـق باطــــل
مش يماطل لأ يموت
حبة رتوش
ليه غيرت كل الوشوش
والكل قابل للضياع
لو سعره زاد
جوه المزاد
Sunflower
تانى مرة
تـانــى مــرة أحــب وتانى مرة أضيع
ماتتـعلم يـاقلبـــــى إزاى تعرف تبيـع
نفس إللـــى بكـانـا هــــو إللى بكانا
والغلطة مش فيهم دى الغلطة جوانا
كفاية فى عـز بردك تحلم تانى بربيع
ماتتـعلم يـاقلبـــــى إزاى تعرف تبيـع
Sunflower
الوهم والسراب10 / 5 / 2006 14 / 2 / 2007
يا من توهمت يومـاً أنى أحــبها
وعشــقتها لكن كرهت طباعها
أبشرى وأهنئى فلم أحبك يوما
لكن أحببت حالة الحب نفسها
Sunflower سامع
سـامع دموعـك ياحبيبى قبل ماشوفها
بتقــول كـلام مليان بشـوق العاشقين
خبيت دموعـك من خوفك إنى أكشفها
خبيت عليا وعلى نفسـك هتقول لمين
إبكى الدموع تكوى القلوب قبل الإيدين
تنزل علــى خـدك مطـــر تطــرح حنيــن
أو خلـى دمعــــك جـوه عينــك لما ينزل
زى اللهــيب يكوى القلــوب المجروحين
عرف النبات إزاى فى يوم يبكى النـدى
لما بكيت دمعــك فى فجـر نهــار حزين
حتى الشــموع إللى إنت قايدها فـدى
لما بنـار حــبك تدوب ويـا الســـــــــنين
سـامع دموعــك ياحبيبى قبل ماشوفها
بتقــول كـلام مليان بشـوق العاشـقين
خبيت دموعــك من خوفك إنى أكشفها
خبيت عليا وعلى نفسـك هتقول لمين
Sunflower صندوق اللعب
فـى صــندوق اللـعـب
عروســة مـن خشـب
ضـفايرهـا مفضـفضـــة
وعـنـيهــا مغـمـضـــــة
وجبينهـا مـن المــدى
والقــلب مـن دهــــب
على مســـرح الحيـاة
عينيــــــــــــها فتحـت
كان الغيم فى السـما
و الشــمــس روحــت
شــافت إيـدين جريئة
بتــدور عالحقيقـــــــة
وقلـوب طـاهرة وبريئة
بتموت من غير سبب
مـال قلـبهــا الصــغيـر
لـواد يشـــــــبـه لـهــا
فى عيونه شئ يحير
مش راضـى يروح لهـا
راحــت لقت دمـوعــه
متحجرة فـى ضـلوعه
و المـوت فارد قلوعــه
علـى بحـر مـن لهـب
رجـعت تـانى حـزينـة
لصـــــنـدوق اللـعــب
مـعـلـش يـامـديـنــــة
يـاريتنى مش خشب
Sunflower
إنتى الهوى
إنتى الهـــــوى و إنتــى الحياة
و إنتى القمر عالى فى سماه
و إنتى النسيم صيفه وشـــتاه
و إنتى النصيب و إنـتــى القـدر
علمتى قلبى
إزاى يحب و إزاى يكون
إزاى يقـــــول
كلمـة بحبـك بالعيــــون
و أسمع غناكى
يمس قلبى بصوت حنون
تلمــس إيديــــا
إيديكى ويطول الســــهر
ضحكت شفايفك
دايبــة فـى موج البحـــور
نظـــرة عيونــــك
غرقت فى الشمس نــور
وبنبض قلبــــــك
كل شئ فى الكون يدور
والطيـــر يطيـــر
بجناح حرير فوق الشــجر
مانتى الهـوى و إنتى الحياه
وإنتى القمر عالى ف سماه
وإنتى النسيم صيفه وشتاه
وإنتى النصيب وإنتى القـدر
Sunflowere
يا أمة للسقوط آيلة
يا أمــــــة للســــــــــــقوط آيلة
يا حيطـــــــــة أصبحت مايلــــة
لصوص الأرض هاجموكـــــــــى
و حاصـــــروكى و ضـــــــربوكى
و عايشــــــــــة الذل والتخويف
و عنــــدك إمكانــــات هايلـــــة
فلوســــك طـظ فى فلوســــك
شـــــــواذ الأرض بتدوســـــــك
شـــــــبعنا جعجعة وكــــــــلام
وعاملونـا كما الأغنـــــــــــــــام
ســــــــــقونا مرارة الأيـــــــــام
و دار الكاس علـى رؤوســــــك
أنا مش غـــــــــاوى جلد الذات
ولا غـــــــــــاوى أقـول حكايـات
ياأمــــــــــة فكـرها موكـــــوس
و تـايه بين نســـــــــاء وكؤوس
دا نصك فى السجون محبوس
ونصــــــــــك رهـــــن معتقلات
يا أمــــــــة كـان غذاهـا التمــر
و ليها النهـى كـان والأمــــــــر
و لمـا النفـط فاض شـــــــــلال
تبادلتى كاســـات الخمـــــــــر
يا أمــة كان شعارها الســـيف
و كان مبدأها كـــرم الضـــــيف
دا شــرقك داس على النعمـة
وغربك جاع فـى عرض رغيـف
ويا أســــــفى يالغـة الضــــــاد
محاصـرك تسـعميت صيـــــــاد
بنسمع أغنيـات "جاكســــون"
ولا نسمع نشــــيد " أمجــاد "
ويا أســــــفى علـى وطنــــى
ما ســـــقطت مننا "بغــــــداد"
يا أمــــة إتهد فيها الحيــــــــل
و وقع السـيف ونـام الخيــــــل
و بوش هـددنا و إتوعــــــــــــد
و غطـى البحـر بالأســـــاطيل
و بوش هـددنا و إتوعــــــــــــد
و حكامنـا كمـا المســـــــاطيل
و "دجلـــــة" بيحتضر علنـــــــاً
و جـاى الدور عليك يا "نيـــــل"
Sunflower
|
أهلاً و سهلاً من أنا؟ الأرشيف أصدقائي صوري وصلاتشبكه بليإسلام أون لاين.نت طريق التوبه حياتنا النفسية مجلة النفس المطمئنة شبكة العلوم النفسية العربيه الثقافة النفسية المتخصصة المركز الكندى للبرمجة اللغوية العصبية الأقسامآخر المقالات...كلمات أعجبتني دكتور لوتشرح عن عيونها السـود مشكلة العرب أصدقائيsunflower |
